Astana–Frankfýrt baǵytyndaǵy ushaq Aqtóbege shuǵyl qondy
ASTANA. KAZINFORM — Air Astana áýe kompanııasy Aqtóbege ushaqtyń májbúrli qonýyna qatysty túsiniktime berdi.
8 mamyrda Astana — Frankfýrt baǵyty boıynsha KC921 reısin oryndaıtyn ushaq Astanadan saǵat 08: 54-te ushyp shyǵyp, tehnıkalyq sebeppen 11.34-te Aqtóbege qonǵan.
Áýe kemesiniń ekıpajy standartty qaýipsizdik rásimderine sáıkes qoný týraly sheshim qabyldady.
— Qoný shtattyq rejımde ótti. Jolaýshylardy odan ári tasymaldaý úshin áýe kompanııa Almatydan rezervtik ushaq jiberdi jáne reıstiń jolaýshylarmen Aqtóbe qalasynan ushýy búgin 14.20-ǵa josparlanǵan, — delingen habarlamada.
Buǵan deıin dombyrany ushaq bortynda alyp júrýge ruqsat etilgenin jazdyq.
