«Astanafılm» kınostýdııa jobasy ýaqytsha toqtatyldy

NUR-SULTAN. QazAqparat – EKSPO aýmaǵyndaǵy «Astanafılm» jańa kınostýdııasyn qurý jobasy ýaqytsha toqtatyldy. Bul týraly QR Mádenıet jáne sport mınıstrligi Kınematografııa jáne teatr óneri basqarmasy málimdedi, dep habarlaıdy QazAqparat.

«Qazir joba (Astanafılm – red) ýaqytsha toqtatyldy. Bul máseleni ázirge keıinge qaldyra turýdy tapsyrdy», - dep jaýap berdi Kınematografııa jáne teatr óneri basqarmasynyń basshysy Altyngúl Nurbekova.

Sonymen birge, basqarma atalǵan jobanyń toqtatylý sebebin túsindirmedi.

Aıta keteıik, «Astanafılm» kınostýdııasyn qurý bastamasyn Mádenıet jáne sport mınıstrligi 2018 jyldyń qyrkúıek aıynda habarlaǵan edi.

Jańa keshen EKSPO aýmaǵynda shamamen 5 jylda salynýy tıis bolǵan.