«Astanaenergoservıs» AQ «2013 sala kóshbasshysy» ataǵyna ıe boldy
ASTANA. 28 jeltoqsan. QazAqparat - Qazaqstannyń sharýashylyq qyzmet sýbektilerin tolyq saralaý qorytyndysy boıynsha «Aktıvter men mindettemeler kórsetkishi», «Tabys kórsetkishi» jáne «Ótimdilik kórsetkishi» úsh atalymyndaǵy oryndardyń jıyntyǵy boıynsha «Astanaenergoservıs» AQ 5-oryn aldy. Bul týraly astana.kz saıtyna «Astanaenergoservıs» AQ baspasóz qyzmetinen habarlady.
Úzdik kásiporyndardy tańdaý kezinde óndiristiń aýqymdy kórsetkishi men tólem qabilettiligi, resýrstardy paıdalaný tıimdiligi, sondaı-aq, kásiporynnyń áleýmettik úlesteri men ınvestıtsııa tartymdylyǵy syndy naqty derekter qoldanyldy.
«Astanaenergoservıs» AQ búginde qyzmeti bas qalamyzdy jylýmen, elektr qýatymen senimdi jáne úzdiksiz qamtýǵa, Astana qalasynyń energııa júıesiniń senimdiligin jáne kásiporyndardy tehnıkalyq jaraqtandyrýdy qamtamasyz etýge baǵyttalǵan óndiristik-ekonomıkalyq kórsetkishteriniń ósimi turaqty qarqyndy damyp jatqan holdıng bolyp tabylady.
2013 jyldyń qorytyndysy boıynsha kompanııanyń operatsııalyq jáne qarjy kórsetkishteri turaqty ósken, al menedjmenti korporatıvtik basqarýdyń barlyq máseleleri boıynsha belsendi ustanymǵa ıe.
Qazirgi ýaqytta atalǵan kásiporyn Qazaqstannyń bas qalasynyń turǵyndaryn jylý jáne elektr energııasy boıynsha turaqty jáne qoljetimdi tutynýshylyq standarttarmen qamtamasyz etedi.
