10:14, 17 Aqpan 2022 | GMT +6
«Astanaenergosbyt» JShS jáne «Astana – AEK» AQ-na jospardan tys tekserý taǵaıyndaldy
NUR-SULTAN. QazAqparat - Elorda tutynýshylarynyń birqatar shaǵymy negizinde, Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý komıtetiniń Nur-Sultan qalasy boıynsha departamenti «Astanaenergosbyt» JShS jáne «Astana – AEK» AQ-na qatysty aǵymdaǵy jylǵy túbirtekterde kórsetilgen elektr energııasy úshin tólem somalaryn esepteýdiń negizdiligi bóliginde jospardan tys tekserý taǵaıyndady.
QR UEM Tabıǵı monopolııalardy retteý komıtetiniń Nur-Sultan qalasy boıynsha departamenti tabıǵı monopolııalar salasyna jatqyzylǵan qyzmetti baqylaý men retteýdi júzege asyratyn Qazaqstan Respýblıkasynyń memlekettik organy bolyp tabylatyndyǵyn atap ótý qajet, dep habarlaıdy QazAqparat departamenttiń baspasóz qyzmetine silteme jasap.
Osyǵan baılanysty, tabıǵı monopolııalar sýbektileriniń is-áreketterimen kelispegen jaǵdaıda, atap aıtqanda kommýnaldyq qyzmetter boıynsha tólem somalary joǵary túbirtek kelip túsken kezde, elordanyń árbir turǵyny TMRKD-nyń atyna: Nur-Sultan qalasy, Petrov kóshesi, 5 mekenjaıy boıynsha nemese k.kense@economy.gov.kz. e-mail ótinish berýge quqyly.
