Astanaenergosbyt turǵyn úıdi jaryqtan zańsyz ajyratqan
ASTANA. QazAqparat - Astana turǵyndary «Astanaenergosbyt» JShS-niń zańsyz áreketine aryzdanyp, sotqa shaǵym túsirdi, dep habarlaıdy QazAqparat tilshisi.
Sot materıaldaryna sáıkes, ótken jyly 18 qazanda «Astanaenergosbyt» kompanııasy aryz berýshilerdiń páterlerin jaryqtan ajyratyp, turǵyn úıdiń paıdalanýǵa berilýine deıingi energııa shyǵyndaryn óteýdi talap etti. Zań boıynsha úıdiń qurylysy kezinde barlyq shyǵyndardy «S» JShS, ıaǵnı qurylys kompanııasy tóleýi tıis. Al ol úıdiń páterleri quziretti memlekettik organdarda tirkelgen kelisimsharttardyń negizinde taratylǵannan keıin kommýnaldyq tólemderdi páter ıelenýshileri jasaıdy.
«Astana qalasy Almaty aýdandyq sotynyń sheshimine sáıkes, «Astanaenergosbyt» JShS-niń aryz berýshilerdi jaryqtan ajyratý áreketi zańsyz dep tanyldy. Sot úkimi kúshine endi», - delingen resmı habarlamada.
