«Astanaenergosbyt» kompanııasy jalpy úı muqtajdyǵy úshin páterlerdiń aýdanyna sáıkessiz tólem eseptep kelgen
ASTANA. Naýryzdyń 1-i. QazAqparat -Astanaenergosbyt» jaýapkershiligi shekteýli seriktestigi kompanııasy jalpy úı muqtajdyqtary úshin páterlerdiń aýdanyna sáıkessiz tólem eseptep, tutynýshylardyń quqyqtaryn buzyp kelgen.
Bul týraly Básekelestikti qorǵaý agenttigi basqarmasynyń 13-shi májilisiniń qorytyndysy boıynsha vedomstvonyń baspasóz qyzmeti habarlady.
Monopolııaǵa qarsy agenttik buǵan deıin Astana ákimdiginiń ókilderi men qala turǵyndarynyń qatysýymen keńes ótkizip, jalpy úı muqtajdyqtary úshin tólem jasaýdyń retin túsindirgen bolatyn. «Astanaenergosbyt» seriktestigine atalmysh máselege qatysty monopolııaǵa qarsy zańnamany buzý faktilerin toqtatý kerektigi kórsetilgen edi. Biraq, seriktestik agenttiktiń nusqaýlaryn tolyq oryndamaı otyr, zańsyzdyqtarǵa jol berilip kelgen kezeńde seriktestik jalpy úı muqtajdyǵy úshin energııa qýatyn satýdan 43 mıllıon teńge kóleminde paıda tapqan», dep atap kórsetilgen baspasóz qyzmetiniń aqparatynda.
Agenttik basqarmasy seriktestikke qatysty is qozǵaý, oǵan aıyppul sanktsııalaryn salyp, ákimshilik jaýapqa tartý týraly sheshim qabyldap otyr.
