Astanadan jarty jylda 15 myńǵa jýyq ushaq ushqan
ASTANA. QazAqparat - Nursultan Nazarbaev halyqaralyq áýejaıy 2018 jyldyń qańtar-maýsym aılarynda 2 mln 145 myń 154 jolaýshyǵa qyzmet kórsetti. Bul kórsetkish ótken jyldyń sáıkes merzimmen salystyrǵanda 17 %-ke kóp, dep habarlaıdy QazAqparat.
Atalǵan áýejaı baspasóz qyzmetiniń habarlaýynsha, 2018 jyldyń jarty jylynda halyqaralyq áýejaı ishki baǵyttaǵy jolaýshylar kólemin 12 %-ke arttyryp, osy aralyqta 1 mln 346 myń 578 adam áýejaı qyzmetine júgingen. Budan ózge, aǵymdaǵy jylǵy qańtar-maýsym aılarynda elordanyń áýe qaqpasy halyqaralyq baǵyttaǵy 798 myń 576 jolaýshyǵa qyzmet kórsetip, sáıkes merzimmen salystyrǵanda 26%-ke arttyrǵan.
Sondaı-aq, atalǵan kezeń ishinde Astana áýejaıynan 14 myń 353 ushaq ushý saparlaryn oryndaǵan (bul kórsetkish 2017 jylǵy osy merzimmen salystyrǵanda 11%-ke artyq).
