Astanadan jarty mıllıon tekshe metrge jýyq qar shyǵaryldy

ASTANA. KAZINFORM — Qys mezgiliniń basynan bastap elordanyń kommýnaldyq qyzmetteri táýlik boıy kúsheıtilgen rejımde jumys istep jatyr, dep habarlaıdy qalalyq ákimdiktiń resmı saıty.

Kún saıyn qar polıgondaryna ondaǵan myń tekshe metr qar shyǵarylady.

20 qarashaǵa qaraǵan túnge kóshelerdi qar men muzdan tazartýǵa 800-den astam arnaıy tehnıka men 300-ge jýyq jol jumysshy shyqty.

19 qarashadaǵy kúndizgi aýysymda kommýnaldyq qyzmetter qaladan 1 673 reıspen 21 myń tekshe metrden astam qar shyǵardy.

Qys mezgiliniń basynan bastap qaladan 484 myń tekshe metrden astam qar shyǵaryldy, bul 38 myńǵa jýyq aýyr júk kólemin quraıdy.

Eń aldymen, erejege sáıkes, joldarda keptelis bolmas úshin qozǵalysy óte qarqyndy oryndar tazartylady. Sondaı-aq, qarqyndylyǵy ortasha ýchaskeler — alańdar, vokzal mańy aýmaqtary, trotýarlar, áleýmettik nysandarǵa kirme joldar jáne t. b. tazartylady.

Ortalyq kóshelerdi, jolaýshylar kóligi marshrýttary júretin oryndardy, aıaldamalar men trotýarlarda tazalaý da basymdyqqa ıe.

Qalada birneshe jabdyqtalǵan qar polıgony bar. Olar samosval tehnıkasynyń nómirlik belgilerin oqý júıesimen jabdyqtalǵan, munda beınebaqylaý kameralary ornatylyp, jaryqtandyrý qosylǵan.

— Elorda turǵyndary men qonaqtarynan joldarda abaı bolýdy, qaýipsizdik erejelerin saqtaýdy, daýyldy eskertý bolǵan jaǵdaıda alys saparlarǵa shyqpaýdy suraımyz. Tótenshe jaǵdaı týyndaǵan kezde «112» nómirine habarlasyńyz, — delingen ákimdik habarlamasynda.

Eske salsaq, budan buryn 2050 jyly Astanada halyq sany 3,5 mln adamǵa jetetini habarlandy.