Astanadan ushyp shyqpaq bolǵan áıelden 20 dana oq tabyldy
ASTANA. QazAqparat - Astanadan Tarazǵa ushyp shyqpaq bolǵan áıelden 20 dana oq tabyldy, dep habarlaıdy QazAqparat elorda sotynyń baspasóz qyzmetine silteme jasap.
Málim bolǵandaı, aǵymdaǵy jyldyń 11 aqpanynda «Astana-Taraz» reısimen ushpaq bolǵan R. esimdi áıeldiń júginen 12 kalıbrli 20 dana oq tabylǵan.
Astana qalasynyń mamandandyrylǵan aýdanaralyq ákimshilik sotynyń úkimimen áıel 34 myń teńgege jýyq aıyppul tóleýge jazalandy.
«Sot qaýlysymen QR Ákimshilik quqyq buzýshylyq týraly kodeksiniń 482-babynyń 1-bóligine sáıkes, ákimshilik jaýapqa tartyldy. Oǵan 20 AEK mólsherinde aıyppul tóleý jazasy taǵaıyndaldy. Sot ákimshilik aıyppuldy 30% tómendetti, oqtar tárkilendi», - delingen qalalyq sottyń habarlamasynda.
Qaýly zańdy kúshine endi.
