Astanada N. Tilendıev dańǵylynyń bir bóligi ýaqytsha jabylady
ASTANA. KAZINFORM — 31 mamyr men 15 maýsym aralyǵynda N. Tilendıev dańǵylynyń Barshyn kóshesinen kólik jolaıryǵyna deıingi ýchaskesinde jóndeý jumysy júrgiziledi, dep habarlaıdy elorda ákimdiginiń resmı saıty.
Osyǵan baılanysty atalǵan ýchaskede qozǵalys ishinara shekteledi. Degenmen kólik qozǵalysy eki baǵytta da joldyń bir jaǵymen uıymdastyrylady.
— Júrgizýshiler men jaıaý júrginshiler júrý baǵytyn aldyn ala josparlaýy jáne yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady, — delingen habarlamada.
Budan buryn «Astana qalasynyń aınalma joly» avtojolynyń ýchaskesinde qozǵalys ýaqytsha shekteletinin jazdyq.
