Astanadan shyǵatyn birqatar joldar ashyldy
ASTANA. QazAqparat - Astanadan shyǵatyn birqatar joldar ashyldy, dep habarlaıdy QazAqparat jergilikti tótenshe jaǵdaılar departamentine silteme jasap.
Aýa raıynyń turaqtalýyna baılanysty Astana qalasy men Aqmol aýylyn jalǵaıtyn jol barlyq avtokólik túrlerine ashyq.
Sonymen qatar búgin túnde «Ekaterınbýrg-Almaty» tasjolynyń 1291-1426 shaqyrym aralyǵy ashyldy. Bul - Astana men Temirtaý arasyndaǵy jol.
Osy «Ekaterınbýrg-Almaty» jolynyń 1003-1247 shaqyrymynda, atap aıtqanda Astanadan Atbasar qalasyna aparatyn jolda dızelmen júretin avtobýstardan basqa barlyq avtokólik túriniń qozǵalysyna ruqsat berildi.
9 qańtar tańǵy 04.20 kezinde aýa raıynyń turaqtalýyna baılanysty respýblıkalyq mańyzy bar «Astana-Ereımentaý-Shiderti» tasjolynyń 16-200 shaqyrymynda qozǵalys jandandy.
Bul - Astana qalasy men Pavlodar oblysy shekarasyn qamtıtyn jol.
Sondaı-aq tańǵy 6.00 kezinde «Astana-Petropavl» jolynyń 18-291 shaqyrym aralyǵy, ıaǵnı Astanadan Kókshetaýǵa deıingi ýchaske ashyldy.
Munda tek dızelmen júretin qoǵamdyq kólik túrlerine tyıym salynǵan.
