Astanadan shyǵatyn barlyq baǵyttarda joldar jabyldy
ASTANA. QazAqparat - Boranǵa baılanysty Astanadan shyǵatyn barlyq baǵyttarda joldar jabyldy. Bul týraly «Qazaqavtojol» RMK málimetinde habarlandy.
Atap aıtqanda, «Astana-Petropavl» jolynyń 18-231 shaqyrymyndaǵy Astana men Býrabaı aralaǵynda jol jabyldy.
«Ekaterınbýrg-Almaty» jolynyń 1007-1247 shaqyrymyndaǵy Atbasar men Astana ýchaskesinde kólik qozǵalysy shekteldi.
Al «Astana-Ereımentaý-Shiderty» jolynyń 16-205 shaqyrymyndaǵy Astana men Pavlodar oblysy shekarasy aralyǵynda jol jabyq.
Budan bólek, «Astana-Kıevka-Temirtaý» jolynyń shaqyrymyndaǵy Astana men Qaraǵandy oblysy shekarasyn ýchaskesinde kólikterdiń jolǵa shyǵýyna tyıym salyndy.
Sonymen qatar «Ekaterınbýrg-Almaty» jolynyń 1275-1353 shaqyrymyndaǵy Astana men Qaraǵandy oblysy shekarasy aralyǵy jabyq.
Boranǵa baılanysty keshqurym «Astana-Qorǵaljyn» jolynyń 19-169 shaqyrymynda qozǵalys shekteldi.
