Astanadan shyǵatyn trassa jabylyp, qalamańy marshrýttary toqtady

Kún raıynyń nasharlaýyna (jaýyn, kóktaıǵaq, qatty jel) baılanysty Astanadan shyǵatyn trassa jabyldy. Kazinform bul týraly «109» qyzmetine silteme jasap habarlaıdy.

Atap aıtqanda, saǵat 19.30-dan bastap «Ekaterınbýrg qalasy – Almaty qalasy» respýblıkalyq mańyzy bar avtojolynyń 1291 – 1426 shaqyrym aralyǵy, naqty aıtqanda, «Astana qalasy – Temirtaý qalasy» ýchaskesi barlyq kólik túrleri úshin jabyldy.

Sondaı-aq City Transportation Systems kompanııasynyń aqparatyna súıensek, Astana mańyna qatynaıtyn birqatar avtobýstyń qozǵalysy toqtatyldy.

«Aýa raıynyń nasharlaýyna baılanysty, qala mańyna qatynaıtyn № 315, 316 baǵdarlardyń qozǵalysy ýaqytsha toqtatyldy. Qala mańyna júretin basqa baǵdarlar lınııada», –delingen málimette.