Astanadan shyǵatyn barlyq joldar jabyldy
Jańbyr, daýyldy jel men kóktaıǵaqqa baılanysty Astanadan shyǵatyn barlyq joldar jabyldy. Kazinform bul týraly QazAvtoJol kompanııasyna silteme jasap habarlaıdy.
«Elordadan shyǵatyn joldar barlyq baǵyt boıynsha jabyldy. Jol qyzmetteri kúsheıtilgen rejımde jumys jasap jatyr», - delingen málimette.
City Transportation Systems kompanııasynyń aqparatyna sáıkes, joldardyń jabylýyna baılanysty Astana mańyndaǵy eldi mekenderge qatynaıtyn barlyq avtobýstar qozǵalysyn toqtatty. Buǵan deıin 6 baǵdar lınııadan alynǵany týraly málim etilgen edi.
Buǵan deıin habarlaǵanymyzdaı, aýa raıynyń nasharlaýynan tańerteń 3 óńirde 8 jol ýchaskesi jabyldy. Keıin respýblıkalyq mańyzy bar taǵy 3 jolda qozǵalysqa tyıym salyndy.
"Qazgıdromet" RMK 22 qarashada kún raıynyń buzylýyna baılanysty 16 óńirde eskertý jarııalaǵan bolatyn.
