Astanadan shabadan satyp alǵan jigit sol dúkendi sotqa berdi
ASTANA. QazAqparat - Astanadaǵy «Sine Tempore» saýda ortalyǵyndaǵy býtıkterdiń birinen shabadan satyp alǵan jigit dúkendi sotqa berdi, dep habarlaıdy QazAqparat Astana qalalyq sottyń baspasóz qyzmetine silteme jasaı otyryp.
2016 jyldyń 7 qyrkúıeginde er adam Astanadaǵy «Sine Tempore» saýda ortalyǵyndaǵy býtıkterdiń birinen shabadan satyp alǵan. Alaıda, Oral qalasyna jete sala júk salǵyshtyń baýy úzilip qalǵan. Sodan keıin er adam dúkenge kelip aqsha qaıtarýyn nemese shabadandy aýystyryp berýin suraǵan. Alaıda, satýshy oǵan kónbegen.
Astana qalalyq tutynýshylardyń quqyǵyn qorǵaıtyn «Ədilet» qoǵamdyq birlestiginiń arqasynda jigit Saryarqa aýdandyq sotyna satyp alǵan sapasyz buıymnyń aqshasyn qaıtaryp alý týraly aryzdanǵan.
Sot satýshy tutynýshynyń quqyǵyn buzdy dep, shabadannyń aqshasyn, sondaı-aq, moraldyq shyǵyndy óteý týraly sheshim shyǵardy. Sot sheshimi əli zańdy kúshine engen joq.
