Astanadan Şýchınskige jáne Pavlodar oblysyna baratyn joldar jabyldy
NUR-SULTAN. QazAqparat - Nur-Sultannan shyǵatyn birqatar jol qaıtadan jabyldy, dep habarlaıdy QazAqparat.
Ikomek jedel qyzmeti taratqan málimetke sensek, búgin, 23 naýryz saǵat 12.30-den bastap «Nur-Sultan - Petropavl» tasjolynyń 18-231 shaqyrym aralyǵyndaǵy ýchaskesi jabylady.
Bul - Nur-Sultan qalasy men Şýchınsk aralyǵyn qamtıtyn avtojol.
Sonymen qatar búgin «Nur-Sultan - Ereımentaý - Shiderti» jolynyń 16-200 shaqyrymynda, ıaǵnı elordadan Pavlodar oblysy shekarasyna deıingi aralyqta kólik júrýine tyıym salyndy.
Joldyń jabylýyna aýa raıynyń buzylýy, boran men joldyń kórinbeýi sebep bolǵan.
Aıta keteıik, keshe Nur-Sultan qalasy men Temirtaýdyń arasynda jol jabylǵan edi. Keshkisin polıtsııa astanadan shyǵatyn búkil joldar ashylǵanyn málimdedi.
