Astanadan Santa Klaýstyń otany - Fınlıandııaǵa tikeleı ushatyn áýe reısi ashyldy
ASTANA. 27 qyrkúıek. QazAqparat - Qazaqstandyqtar bıylǵy Jańa jyldy Santa Klaýstyń otanyna tikeleı reıspen ushyp baryp, qarsy alý múmkindigine ıe bolady.
Bul reısti fın kompanııasy ashyp otyr. Ázirge baǵdarlama Jańa jyl merekesi kezinde úsh ret charterlik reıspen ushyp baryp kelýge arnalǵan. Fınlıandııanyń soltústigi - Laplandııadaǵy Levı kýrortyna ushý 4,5 saǵatqa sozylady.
Levıde Jańa jyl erekshe leppen atalyp ótiledi. Demalys orny aýmaǵynda túrli merekelik sharalar uıymdastyrylady, al túngi saǵat 12-de úlken otshashý bolady. Balalar úshin eń qyzyqtysy naǵyz Santa Klaýspen kezdesý, soltústik buǵylarmen tanysý, ıtter jegilgen shamada syrǵanaý, Soltústik shuǵylany tamashalaý sııaqty sharalar bolmaq.
Týrıstik pakettiń ortasha baǵasy 1619 eýro. Oǵan jolaqy, qonaq úıde turý sııaqty qyzmet túrleri kiredi.
