Astanadan Petropavlǵa taratýǵa 120 túıinshek esirtki ákelgen kúdikti ustaldy
PETROPAVL. KAZINFORM – Sıntetıkalyq esirtki kúdikti jigittiń rıýkzagynda bolǵan.
Soltústik Qazaqstan oblysy polıtsııa departamenti baspasóz qyzmetiniń málimetinshe, kúdikti túıinshikterdi Astanadan alyp, Petropavl aýmaǵyndaǵy jasyryn oryndarǵa ornalastyrýy tıis bolǵan. Alaıda bul áreketin júzege asyryp úlgermeı, polıtsııa qyzmetkerleriniń qolyna tústi.
Saraptama nátıjesinde tárkilengen zattyń jalpy salmaǵy 273 gramnan asatyn sıntetıkalyq α-PVP esirtkisi ekeni anyqtaldy. Osylaısha, polıtseıler birneshe myń dozanyń qala kóshelerine taralýyna jol bermedi.
Qazirgi ýaqytta tergeý amaldary júrip jatyr. 20 jastaǵy kúdikti ýaqytsha ustaý ızolıatoryna qamaldy. Esirtkini asa iri mólsherde ótkizgeni úshin oǵan 7 jyldan 12 jylǵa deıin bas bostandyǵynan aıyrý jazasy kózdelgen.
Polıtseıler sıntetıkalyq esirtkini taratýǵa qatysy bar adamdardy anyqtaý boıynsha jedel jumystardy júrgizip jatyr.
Buǵan deıin Astanadan Abaı oblysyna sıntetıkalyq esirtki jetkizgen kúdikti ustalǵanyn jazǵan edik.
