Astanadan Nurly eldi mekenine baratyn jol ýaqytsha jabylady
ASTANA. KAZINFORM – Qalalyq Kólik jáne jol-kólik ınfraqurylymyn damytý basqarmasy Nurly eldi mekenine baratyn jolda asfalt jabynynyń joǵarǵy qabatyn tóseý jumystary júrgiziletinin málimdedi.
Osyǵan baılanysty atalǵan ýchaske 28 jáne 29 tamyz kúnderi tolyǵymen jabylady. Qozǵalys kireberis balama joldar arqyly uıymdastyrylady.
- Júrgizýshiler men jaıaý júrginshilerge marshrýttaryn aldyn ala josparlap, qozǵalysty uıymdastyrýdaǵy yqtımal ózgeristerdi eskergen jón. Qaýipsizdikti qamtamasyz etý jáne qolaısyzdyqty azaıtý maqsatynda ýaqytsha jol belgileri men kórsetkishter ornatylady, - delingen aqparatta.
Qala turǵyndary men qonaqtarynan bul ózgeristerge túsinistikpen qarap, saparlaryn josparlaý kezinde eskerýleri suralady.
Aıta keteıik, Astanada kirme jol qyzmetine tarıf bekitýge qatysty jarııa tyńdaý ótti.