Astanadan Mańǵystaý polıtsııasyn tekserýge kimder bardy

ASTANA. KAZINFORM — Іshki ister mınıstriniń orynbasary Sanjar Ádilov Mańǵystaý oblysyndaǵy polıtsııany tekserýge Ózindik qaýipsizdik departamentiniń basshylyǵy barǵanyn aıtty. 

Aıta keteıik, Aqtaýda polıtsııa departamentiniń basshylaryna qatysty anonımdi ujymdyq hat taralǵannan keıin, QR Іshki ister mınıstrliginiń komıssııasy kelip, tekserý júrgizip jatyr. 

— Іshki ister mınıstriniń tapsyrmasy boıynsha Mańǵystaý oblysyna ortalyq apparat departamentteriniń basshylarynan quralǵan top jiberildi. Onyń quramynda QR ІІM Ózindik qaýipsizdik departamenti men ortalyq apparattyń ózge de bólimsheleri qamtyldy. Komıssııa jumysynyń nátıjesin keıinnen jarııalaımyz, — dedi Sanjar Ádilov Parlament Májilisinde tilshiler suraǵyna jaýap bere otyryp.

Eske salaıyq, 19 qarashada áleýmettik jelilerde óńirdiń bas polıtseıi men onyń orynbasarlaryn uıymdasqan qylmystyq top qurdy dep aıyptaǵan ujymdyq aryz taraǵan bolatyn. Sol kezde polıtsııa departamenti aıyptaýlardy joqqa shyǵaryp, bárin feık dep atady.