Astanadan Qosshyǵa deıingi LRT jelisiniń qurylysy 2027 jyly aıaqtalmaq
ASTANA. KAZINFORM — Astanadan Qosshyǵa deıingi LRT jelisiniń qurylysy kelesi jyldyń sońynda aıaqtalady dep kútilýde. Bul týraly elorda ákimi Jeńis Qasymbek málim etti.
Onyń aıtýynsha, kún saıyn Qosshydan elordaǵa 22 myńnan astam avtokólik kiredi.
— Sońǵy málimetterge sáıkes, Qosshyda shamamen 120 myń adam turady, olardyń jartysy kún saıyn qalaǵa kirip-shyǵady. Biz kelesi jyldyń sońyna deıin bul jeli tolyq aıaqtalady dep kútemiz, — dedi Jeńis Qasymbek Aqorda kýlýarynda.
Sonymen qatar 2026 jyldyń sońyna qaraı Shyńǵys Aıtmatov kóshesi baǵytyna taǵy bir jeliniń qurylysy bastalady dep josparlanyp otyr.
Aıta ketelik LRT synaǵy barlyq 19 qurammen júrgizile bastaǵany týraly jazǵan edik.
Sonymen qatar elordada LRT-ǵa qatysty qaǵıdalar bekitilgen edi. Sondaı-aq LRT jyljymaly quramdary synaqtyq paıdalaný kezinde 80 km/saǵ eń joǵary jyldamdyqqa jetken edi.
