Astanadan Qyrǵyzstan men Ózbekstanǵa ushaq qatynaıdy
ASTANA. KAZINFORM – Qazaq Air (Vietjet Qazaqstan) áýe kompanııasy Astanadan Bishkek pen Samarqandqa tikeleı eki jańa halyqaralyq reıs ashyp jatyr.
Ortalyq Azııadaǵy baǵytyn keńeıtý bastamasy Prezıdenttiń túrki elderi arasyndaǵy baılanysty damytý arqyly týrızmdi, saýdany, bilim berý men mádenı yntymaqtastyqty kúsheıtý jónindegi strategııalyq bastamasymen úndes keledi.
2025 jylǵy 7 qarashadan bastap Astana – Samarqand – Astana baǵyty boıynsha (aptasyna 2 ret – juma jáne jeksenbi), al 10 qarashadan bastap Astana – Bishkek – Astana (aptasyna 2 ret – dúısenbi jáne beısenbi) baǵyty boıynsha tikeleı reısteri oryndalady.
- Astanadaǵy hab arqyly áýe kompanııasy jolaýshylarǵa Bishkekke, Samarqandqa, Omby men Novosibirge, sondaı-aq Qazaqstannyń túrli óńirlerine yńǵaıly reısterdi usynady. Jańa áýe baǵyttar aımaqtyń iskerlik, týrıstik jáne mádenı baılanystaryn damytýǵa múmkindik beretin bolady, - delingen Azamattyq avıatsııa komıteti habarlamasynda.
Aıta keteıik, Astana men Býdapesht arasynda tikeleı áýe reısi qaıta jandanýy múmkin.