Astanadan Býrabaıǵa jańa jyldyq poıyz jolǵa shyqty
Jańa jyl qarsańynda brendtelgen jańa jyldyq №7507/7508 elektr poıyzynyń alǵashqy reısi Astanadan Býrabaı kýrortyna jolǵa shyqty. Bul QR Týrızm jáne sport mınıstrligi «Kazakh Tourism» ulttyq kompanııasy men «Jolaýshylar tasymaly» AQ-nyń birlesken jobasy.
QR Týrızm mınıstrligi baspasóz qyzmetiniń habarlaýynsha, erekshe poıyz syrtynan da, ishinen de bezendirilip, jolaýshylar úshin merekelik kóńil-kúı syılaıdy.
Jańa jyldyń basty keıipkerleri - Aıaz Ata men Aqshaqar jolaýshylardy kele jatqan merekemen quttyqtap, syılyqtar tabystaıdy. Olardyń rólinde - vagondardyń jolserikteri.
Merekelik bezendirilgen quram jańa jyldyq demalys maýsymy aıaqtalǵanǵa deıin júredi.
«Ekinshi jyl qatarynan biz jańa jyl qarsańynda QTJ-men birlesip, brendtelgen týrıstik poıyzdardy iske qosyp otyrmyz. Mundaı poıyzdar merekelik kóńil-kúı syılap qana qoımaı, týrısterdi de tartady», - dedi QR Týrızm jáne sport vıtse-mınıstri Erjan Erkinbaev.
Bul rette ótken jyly jańa jyldyq elektr poıyzymen 16 myńnan astam jolaýshy tasymaldandy.
Merekelik quram 28 jeltoqsannan bastap aptasyna bes ret júredi. Elordadan Býrabaı kýrortyna poıyz Nurly jol vokzalynan saǵat 06:12-de jóneltiledi. Sonymen qatar, elorda turǵyndary men qonaqtaryna yńǵaıly bolý úshin poıyzǵa Astana-1 vokzalynan da otyrǵyzý qarastyrylǵan. Bul jerge ekspress tańǵy saǵat 06:37-de kelip, 07:00-de júredi.
Týrıstik poıyzdy iske qosý aıasynda QR PІB «Býrabaı damý» JShS erekshe reıstiń kestesine sáıkes qysqa týr qalyptastyrdy. Jańa jyldyq merekeni jalǵastyrý maqsatynda, Býrabaıdaǵy Santa rezıdentsııasyna baryp, Býrabaılandta tańǵajaıyp kún ótkizý usynylady. Munda buǵy nemese ıt jegilgen arbamen, kvadrotsıklmen, qarda júretin kóliktermen serýendeýge, atqa minýge bolady.
Sońǵy jyldary Býrabaı jyl mezgiline qaramastan, jazda jaǵajaı demalysyn, kúzde jáne kóktemde saýyqtyrý týrızmin, al qysta keremet jańa jyldyq atmosferany usynatyn tartymdy demalys orny retinde tanymal.
Osylaısha, jańa jyldyq týrıstik poıyz - aımaqqa qosymsha týrıster aǵynyn tartatyn ári jergilikti týroperatorlardyń belsendiligin qamtamasyz etetin maýsymdyq jergilikti ónim.
