Astanadan Býrabaıǵa ulttyq naqyshta bezendirilgen elektr poıyzy qatynaı bastady
Bezendirilgen poıyz kún saıyn bir aı boıy júredi. Jyljymaly quram tańerteń Astanadan shyǵady.
Jolaýshylardy otyrǵyzý Nurly jol vokzalynan (jóneltý saǵat 06.30-da) jáne Astana-1 vokzalynan (jóneltý saǵat 06:57-de) uıymdastyrylady. Jol boıynda quram úsh stantsııada: Aqkól, Eltaı jáne Makınkada toqtaıdy. Merekelik elektr poıyzy sońǵy stantsııaǵa saǵat 09:51-de keledi.
«Sapar jaıly bolý úshin vagondar aýa baptaıtyn qondyrǵylarmen, bıodárethanalarmen jabdyqtalǵan. Poıyz jolaýshylary saparlaý barysynda oıyn-saýyq kontent pen paıdaly aqparatpen jabdyqtalǵan vputi.kz mýltımedııalyq portaldy paıdalana alady», - delingen QTJ aqparatynda.
Málim etilgendeı, «Naýryz» elektr poıyzy – bul «Jolaýshylar tasymaly» AQ, QR PІB «Býrabaı Damý» JShS, Mádenıet jáne sport mınıstrligi men «Kazakh Tourism» ulttyq kompanııasynyń ishki týrızmdi nasıhattaý maqsatynda júzege asyrylyp otyrǵan birlesken jobasy.
