Astanadan Býrabaıǵa elektr poıyzben 2,5 saǵatta jetýge bolady

ASTANA. KAZINFORM - «Qaraǵandy-Astana» elektr poıyzy Býrabaıǵa deıin júretin boldy. Ol 14 maýsymnan bastap aptasyna 5 ret qatynaıdy. 

Osylaısha, Astanalyqtar bas qaladan Býrabaıǵa burynǵydaı 4 saǵatta emes, 2,5 saǵatta jete alady. Poıyz Qaraǵandydan № 7553/7556 nómirimen shyǵyp, Astanaǵa jetkennen keıin № 6811/6812-ge aýysady.

«Qaraǵandy-Astana-Býrabaı» elektr poıyzy dúısenbi, sársenbi, juma, senbi jáne jeksenbi kúnderi júredi. Budan bólek, № 7507/7508 «Astana-Kókshetaý» elektr poıyzynyń marshrýty Saýmalkól stantsııasyna deıin uzartylady. Endi bul poıyz aptasyna 3 ret — juma, senbi jáne jeksenbi kúnderi júredi», — deıdi «Qazaqstan temir joly» kompanııasynyń ókilderi.

Bılet quny — 2 271 — 2 943 teńge.

Ony bilet.railways.kz saıtynda jáne temirjol vokzaldaryndaǵy «Jolaýshylar tasymaly» AQ kassasynan alýǵa bolady.