Astanadan Býrabaıǵa 2,5 saǵatta jetkizetin poıyz iske qosyldy
ASTANA. KAZINFORM — Táýelsizdik kúni qarsańynda «Astana — Býrabaı kýrorty» jańa týrıstik elektr poıyzy iske qosyldy. Bul baǵyttyń ereksheligi — kýrorttyq aımaqqa esh aıaldamasyz 2 saǵat 26 mınýtta jetýge bolady.
№ 7515/7516 «Astana-Býrabaı kýrorty» týrıstik baǵyty taqyrypqa saı bezendirilgen. Onda 6 vagon bar jáne 574 jolaýshy syıady.
Bılet quny 2500-2700 teńge aralyǵynda.
Poıyz vagondary Qazaqstanda jasalǵan (ZIKSTO) jáne «Komfort Plıýs» klasty oryndyqtarmen jabdyqtalǵan.
— Memleket basshysynyń eldiń týrıstik áleýetin damytý tapsyrmasyn oryndaý maqsatynda Kólik mınıstrligi ınfraqurylymdy jańǵyrtý jáne temirjol tasymaldary úshin qolaıly jaǵdaı jasap keledi. Elektr poıyzda mıkroklımat júıesi, jyldam qýattaıtyn USB-rozetkalar, Wi-Fi jáne velosıped bekitýge arnalǵan quraldar bar. Múmkindigi shekteýli jolaýshylar úshin arnaıy kótergishter men múgedekter arbalaryna arnalǵan oryndar qarastyrylǵan, - dedi QR Kólik mınıstrligi temirjol jáne sý kóligi komıtetiniń Tóraǵasy Jánibek Taıjanov tilshilerge bergen suhbatynda.
Sonymen qatar jol boıynda Astana men Býrabaıdyń tabıǵaty men tarıhy týraly eksklıýzıvti aýdıogıdti tyńdaýǵa bolady.
Alǵashqy kúni-aq týrıstik poıyz bıletterin 100-den astam jolaýshy satyp alǵan. Kelýshilerge merekelik fýrshet, vıktorınalyq suraqtar uıymdastyrylyp, estelik syılyqtar taratyldy.
Aıta keteıik, qazirgi ýaqytta Astanadan Býrabaı kýrortyna deıin ártúrli kestemen 5 poıyz jumys qatynaıdy.