Astanadan bir kúnde 2 myńnan astam júk kóligimen qar shyǵaryldy

ASTANA. KAZINFORM — Elordada qar tazalaý jumystary aýysymmen táýlik boıy jalǵasyp jatyr.  Kommýnaldyq qyzmetter qar tazalyǵymen kúsheıtilgen rejımde jumys júrgizýde, dep habarlaıdy elorda ákimdiginiń resmı saıty.

16 qarashada keshki aýysymda qalany qardan tazartýǵa 900-den astam arnaıy tehnıka, al 250-den astam jol jumysshysy shyqty. 

16 qarasha kúni tústen keıin polıgondarǵa 25 myń tekshe metrden astam qardy 2009 aýyr júk kóligi tasydy.

Qys mezgiliniń basynan beri polıgondarǵa 26 myńnan astam reıs, 342 myń tekshe metrden astam qar jetkizildi.

Erejege sáıkes, eń aldymen, qalada keptelis bolmas úshin óte qarqyndy qozǵalys ýchaskeleri tazalanady. Sondaı-aq ortasha qarqyndylyǵy bar ýchaskeler-alańdar, vokzal mańy aýmaqtary, trotýarlar, áleýmettik nysandarǵa kirme joldar jáne t. b. oryndar qardan tazartylady.

Ortalyq kóshelerde, jolaýshylar kóligi marshrýttarynda, aıaldamalar men trotýarlarda tazalaý basymdyqqa ıe.

Elordada birneshe jabdyqtalǵan qar polıgony jumys isteıdi. Olar samosval tehnıkasynyń nómirlik belgilerin oqý júıesimen jabdyqtalǵan, munda beınebaqylaý kameralary ornatylǵan, jaryqtandyrý qosylǵan.