Astanadan Bodrýmǵa ushqan ushaq Aqtaýǵa qonýǵa májbúr boldy

ASTANA. QazAqparat – Astanadan Bodrýmǵa ushqan ushaqtan aqaý shyǵyp, Aqtaýǵa qonýǵa májbúr boldy, dep habarlaıdy QazAqparat tilshisi.

Bordta 163 jolaýshy bolǵan. Olar 8 saǵat boıy Astanadan basqa ushaqtyń jiberilýin kútken. Al aqaý «AirAstana»-nyń áýe kemesinen shyqqan. Sebebi anyqtalyp jatyr.

Aıta keteıik, zań boıynsha ushaqtyń ár keshikken saǵatyna bılet qunynyń 3 paıyzy tólenýi tıis. Ol úshin jolaýshy áýe kompanııasynyń saıtyna kirip, ótinish qaldyrýy tıis. «Búgin Astana ýaqytymen 19:20 da qosymsha ushaq Aqtaýdan Bodrýmǵa keshikken reıstiń 163 jolaýshysyn dittegen jerine jetkizbek. Búgingi reıstiń keshigý sebebi – ol otyn júıesindegi aqaý. Keshigýdiń ár bir saǵaty úshin 3 paıyzdy tóleımiz», - dedi «Air Astana» áýe kompanııasynyń korporatıvtik kommýnıkatsııalar jónindegi menedjeri Tilek Ábdiraqymov.