Astanadan bes baǵytqa jol jabyq
ASTANA. QazAqparat - Kúshti burqasynnyń saldarynan Astanadan bes baǵytqa shyǵatyn joldar jabyldy, dep habarlaıdy QazAqparat»HAA «Qazavtojol» JShS-ne silteme jasap.
Vedomostvonyń málimetinshe, Pavlodar, Qaraǵandy, oblystary Şýchınsk qalasy men Qorǵaljyn kentine deıin, Qostanaı oblysy baǵyty boıynsha Jaksy eldi mekenine deıingi tasjoldarda kólik qozǵalysy toqtatyldy.
Atap aıtqanda, Astana-Pavlodar oblysynyń shekarasyna deıin (Astana-Ereımentaý-Shiderti baǵytynyń 16-205 km), Astanadan Qorǵaljyn aýylyna deıin (Astana-Qorǵaljyn kenti jolynyń 19-180 km), Astanadan Nura aýylyna deıin (Astana-Qabanbaı batyr jolynyń 16-51 km), Astanadan Şýchınskige deıin (Astana-Petropavlovsk baǵytynyń 18-231 km), Astanadan Qaraǵandy oblysynyń shekarasyna deıin (Ekaterınbýrg-Almaty trassasynyń 1275-1353 km) jáne Jaqsy aýylynan Astanaǵa deıingi (Ekaterınbýrg-Almaty trassasynyń 915-1247 km) jol bólikteri jabyq.
Aqtóbe oblysynda Aqtóbe oblysynyń shekarasy men Áıteke bı qalasynyń shekarasy aımaǵynda (Samara-Shymkent avtojolynyń 1240-1474 km) kólik quraldary úshin jol jabyq.
Qaraǵandy oblysynda Satpaev pen Ulytaý aýylyna deıingi (Jezqazgan-Petropavlovsk trassasynyń 24-138 km) bóliginde kólik quraldarynyń qozǵalasyna shekteý qoıyldy.
Barlyq kólik quraldary úshin qozǵalys toqtatyldy.
Aýa raıyna baılanysty eskertý 11 qańtarda Qazaqstannyń 6 oblysynda jarııalandy. Olardyń arasynda Aqmola men Qaraǵandy oblystary da bar.
