Astanadan barlyq baǵyttar boıynsha shyǵý joldary jabylyp, Qaraǵandy jáne Pavlodar oblystarynda kólikterdiń qozǵalysyna shekteý qoıyldy
ASTANA. 15 jeltoqsan. QazAqparat - Aýa raıy jaǵdaıynyń nasharlaýyna baılanysty (temperatýranyń kúrt tómendeýi) saǵat 09:15-ten bastap Astana qalasynan shyǵý joldarynyń barlyq baǵyttary boıynsha dızeldik jáne qoǵamdyq kólik túrleri úshin jol jabyldy. Bul týraly QR TJM baspasóz qyzmeti habarlaıdy.
Qaraǵandy oblysy boıynsha saǵat 09:10-nan beri aýa temperatýrasynyń kúrt tómendeýine baılanysty "Molodejnyı kenti - Pavlodar oblysynyń shekarasy" (Qyzylorda-Pavlodar kólik jolynyń 1069-1135 shaqyrymdary) avtojolynyń ýchaskesinde kóliktiń barlyq túrleriniń qozǵalysyna tyıym salyndy.
14 jeltoqsandaǵy saǵat 16:30-den bastap aýa temperatýrasynyń kúrt tómendeýine baılanysty Pavlodar oblysy boıynsha barlyq baǵyttarda kóliktiń barlyq túrleriniń qozǵalysyna tyıym salyndy. 15.12.2012 jyly saǵat 08:30-dan bastap Pavlodar qalasy mańyndaǵy aýyldarǵa ǵana, Aqsý qalasy, Lenınskıı kenti, Pavlodarskoe aýyly, Kenjekól aýylyna avtobýs baǵyttary úshin qozǵalys ashyldy.
