Astanadan Bakýge deıin: Túrki áleminiń «Sılıkon alqabyn» qurý usynyldy
ASTANA.KAZINFORM - Túrkııanyń Ádilet jáne damý partııasy (AK Parti) tóraǵasynyń orynbasary, túrki memleketterimen baılanys jóninde tóraǵa, professor Kúrshad Zorlý Ázerbaıjan astanasy Baký qalasynda ótken Túrki áleminiń IV halyqaralyq ınjenerlik sammıtinde túrki áleminiń birtutas tehnologııalyq keńistigin qurýdy usyndy, dep habarlaıdy Anadoly.
- Barlyq mekeme ben uıymdarymyzdyń kúsh-jigerin biriktirip, túrki áleminiń «Sılıkon alqabyn» iske asyrýdy usynamyn. Astanadan Bakýge deıin, Tashkentten Ystanbulǵa deıin, Býdapeshten Nıkosııaǵa deıin sozylatyn bul tehnologııalyq beldeý Made in Türk dünyası — «Túrki áleminde jasalǵan» belgisimen tanylýy tıis, - dedi ol.
Іs-sharadan keıin K.Zorlý jýrnalısterge 15 mamyr kúni Túrkistan qalasynda Túrki memleketteri uıymynyń beıresmı sammıti ótetinin jáne ol «Tsıfrlyq damý jáne jasandy ıntellekt» taqyryby aıasynda uıymdastyrylatynyn atap ótti.
-Túrki áleminiń ekonomıkasy men 30-dan astam baǵyttaǵy yntymaqtastyq odan ári damyp, jańa deńgeıge shyǵý úshin tsıfrlyq salada yqpaldastyqty kúsheıtý qajet. Osy túsinik negizinde Túrki memleketteri uıymy da bul baǵyttaǵy jumystaryn jedeldete túsetin bolady, - dedi Zorlý.
Aıta keteıik, túrki elderi Túrkistan sammıti aldynda ıntegratsııany kúsheıtýge nazar aýdardy.
