Astanadan Aqtóbege jolǵa shyqqan júrgizýshini navıgator aıdalaǵa adastyryp jibergen

ASTANA. QazAqparat - Astanadan Aqtóbege jolǵa shyqqan júrgizýshini navıgator aıdalaǵa adastyryp jibergen, dep habarlaıdy QazAqparat QR TJM baspasóz qyzmetine silteme jasap.

«2023 jylǵy 1 qańtarda Astana qalasynyń azamaty «Shevrole Neksııa» markaly avtokólikpen Navıgatordyń kómegimen Aqtóbe qalasyna jolǵa shyqqan. Alaıda Drýjba aýyly baǵytyndaǵy aýyl jolymen júrip kele jatyp, avtokólik buzylyp, dalada qalǵan. Kóp uzamaı shaqyrý ornyna Qamysty aýylynyń №18 órt sóndirý bóliminiń jáne Jitiqara qalasynyń Jedel-qutqarý jasaǵy bólimshesiniń qyzmetkerleri «ıAmal» roverimen jetti. Olar astanalyqty Altynsarın aýylyndaǵy dala brıgadasynan evakýatsııalady» delingen habarlamada.

Synǵan avtokólik Erkin jáne Dostyq aýyldarynyń ortasynda qaldy. Aýyldyq okrýg ákimi Altynsarın JShS qonaq úıinde ornalasqan jylytý pýnktin usyndy.
TJD azamattardy aýa raıynyń nasharlaýyna baılanysty jolǵa shyqpaýǵa shaqyrady.

Foto: QR TJM baspasóz qyzmeti