Astanadan 2500 qorap temekini Eýropa elderine zańsyz ótkizbek bolǵandar ustaldy

ASTANA. QazAqparat - Mamyr aıynda elordalyq keden qyzmetkerleri temeki ónimderin Eýropa elderine zańsyz áketý shemasyn toqtatty. Bul týraly Astana qalasy boıynsha Memlekettik kirister departamenti habarlady.

Ónimderdi kúdiktiler halyqaralyq-pochta jóneltimderi arqyly jalǵan qujattardy paıdalana otyryp jáne turmystyq jabdyqtardyń konstrýktsııalarynda keshterdi paıdalaný arqyly kedendik baqylaýdan jasyrýǵa tyrysty. Ustalǵan ónim: jalpy quny 1 mıllıon 750 myń teńge bolatyn 2500 qorap temeki. Osy fakti boıynsha materıal is júrgizý sheshimin qabyldaý úshin sotqa jiberildi.

Astana qalasy boıynsha MKD Qazaqstan Respýblıkasynyń keden zańnamasyn buzǵany úshin ákimshilik jáne qylmystyq jaýapkershilik kózdelgenin eske salady.