Astanadan 100 tonna qoqys shyǵaryldy
ASTANA. KAZINFORM – Astanada «Taza Qazaqstan» jalpyulttyq ekologııalyq aktsııasy aıasynda qala aýmaǵyn sanıtarlyq tazartý men abattandyrýǵa arnalǵan «Taza qala» aktsııasy ótti.
Ekologııalyq is-shara qaladaǵy barlyq aýdandy qamtydy.
Oǵan 30 myńǵa jýyq adam qatysty. Atap aıtqanda, elorda turǵyndary, kommýnaldyq qyzmet ókilderi, bıznes qaýymdastyq, onyń ishinde qurylys jáne qarjy uıymdary, PIK pen MIB ujymdary, eriktiler, stýdentter, eko-belsendiler jáne tanymal sportshylar jumyldyryldy.
Sonymen qatar aktsııaǵa 2 239 kásiporyn men uıym atsalysty, 900-den astam arnaıy tehnıka shyǵaryldy.
Senbilik qys mezgilinen keıingi sanıtarlyq tazalyq jumysyn júrgizýge, sondaı-aq qalany abattandyrý men kógaldandyrýǵa arnaldy. Oǵan qatysqandar aýlalardy, kóshelerdi, saıabaqtar men qoǵamdyq keńistikterdi retke keltirdi.
Aýqymdy aktsııa barysynda 1 232 aýla aýmaǵy tazartyldy. Onyń ishinde kópqabatty turǵyn úıler men jeke sektor aýlalary bar. Qala aýmaǵynan shamamen 100 tonna qoqys shyǵaryldy.
Іs-sharanyń negizgi maqsaty – ekologııalyq mádenıetti qalyptastyrý, turǵyndardyń qorshaǵan orta tazalyǵyna jaýapkershiligin arttyrý jáne olardy abattandyrý jumysyna keńinen tartý.
Qala ákimdigi turǵyndardy «Taza Qazaqstan» ekologııalyq aılyǵyn qoldaýǵa jáne ortaq iske úles qosýǵa shaqyrady.
Árbir turǵyn men uıym kósheler men aýlalardy kórkeıtýge atsalysyp, Astanany taza, jaıly ári ekologııalyq qalaǵa aınaldyrýǵa úles qosa alady.
Aıta ketelik Prezıdent Taza Qazaqstannyń túpki máni qoǵamdyq sanany jańǵyrtý ekenin atap ótken edi.