Astanadaǵy Zııatkerlik mekteptiń oqýshylary halyqaralyq emtıhandarda ortasha álemdik deńgeıden joǵary ball jınady

Búgin Astanada bastalǵan «Muǵalimniń kásibı damýy: dástúrleri men ózgeristeri» atty halyqaralyq ǵylymı-tájirıbelik konferentsııada «Nazarbaev Zııatkerlik mektepteri» DBBU-nyń Basqarma tóraıymy Kúlásh Shamshıdınova atap kórsetkendeı, ustazdardyń pedagogıkalyq sheberlikterin jetildirip otyrýdyń nátıjesin oqýshylar halyqaralyq emtıhandardyń barysynda kórsetedi.

«Astana qalasyndaǵy «Nazarbaev Zııatkerlik mektebiniń» oqýshylary matematıka, fızıka, hımııa, bıologııa boıynsha aǵylshyn tilinde tapsyrǵan SAT 1 halyqaralyq emtıhandarda 1586 baldy (álemdegi ortasha ball - 1200, eń joǵary - 1980), SAT 2-de - 1720 baldy jınady (álemdegi ortasha ball - 1250, eń joǵary - 2200). IELTS aǵylshyn tili boıynsha emtıhandardyń kórsetkishteri jyl saıyn joǵarylap keledi. Bıylǵy nátıje - 6,2 ball (2010 jyly - 5,7 ball)», - dedi ol.

Sondaı-aq K.Shamshıdınova, biliktilikti kóterý muǵalimderdiń ǵylymı-tájirıbelik qyzmetterine de oń yqpalyn tıgizýde. «Oǵan ázirlengen oqýlyq quraldar, avtorlyq kýrstar, jınaqtamalar, ádistemelik usynymdar dálel», - dep túıindedi Basqarma tóraıymy.