Astanadaǵy jyly aıaldamalar qashan ashylatyndyǵy belgili boldy
ASTANA. QazAqparat - Astana ákimdiginde qazan aıynda ornatylǵan jańa aıaldama pavılondary nege osy kúnge deıin jumys istemeı turǵandyǵyn túsindirdi, dep habarlaıdy QazAqparat.
«Búginde jabyq tıptegi 55 pavılon ornatylǵan. Onyń ishinde 37-si paıdalanýǵa berildi. Qalǵan 18-i boıynsha kestege sáıkes iske qosý shararaly atqarylyp jatyr», - delingen Kólik jáne jol-kólik ınfraqurylymyn damytý basqarmasynyń QazAqparatqa bergen málimetinde.
Vedomstvonyń habarlaýynsha, qazirgi kezde pavılondardy qalalyq energııamen qamtamasyz etý jelilerine qosý júrgizilýde.
«Atalǵan nysandarǵa qatysty jumystar 2018 jylǵy 25 qarashada tolyqtaı aıaqtalady dep kútilýde», - dep naqtylady basqarmanyń baspasóz qyzmetinen.
Eske sala keteıik, bıyl Astanada 55 jyly aıaldama ashylatyndyǵy týraly buǵan deıin habarlaǵan bolatynbyz.
