Astanadaǵy Jumabaev dańǵyly ishinara jabylady
ASTANA. QazAqparat - Astana qalasyndaǵy Maǵjan Jumabaev dańǵylynyń Baýyrjan Momyshuly dańǵylynan Beıimbet Maılın kóshesine deıingi bóligi ýaqytsha jabylady, dep habarlaıdy QazAqparat elorda ákiminiń resmı saıtyna silteme jasap.
Qalalyq kólik jáne jol-kólik ınfraqurylymyn damytý basqarmasy avtokólik joldaryn ortasha jóndeý sheńberinde B. Momyshuly dańǵylynan B. Maılın kóshesine deıingi ýchaskedegi M. Jumabaev dańǵyly boıynsha asfalt-beton jabynynyń joǵarǵy qabatyn salý jumystaryn bastaýdy josparlap otyr.
Osyǵan baılanysty, osy jyldyń 14 tamyzy saǵat 20:00-den 15 tamyz saǵat 13:00-ge deıin kórsetilgen ýchaskede avtokólikterdiń qozǵalysy toqtatylady.
Elorda turǵyndary men qonaqtary keptelis týdyrmaý úshin jol qozǵalysy baǵyttaryn aldyn ala josparlap alǵany jón.
