Astanadaǵy juqpaly aýrýlar aýrýxanasynyń ornyna ne salynatyny belgili boldy
ASTANA. QazAqparat - Astanada Kúmisbekov kóshesinde ornalasqan qalalyq juqpaly aýrýlar aýrýxanasy súrile bastady, dep xabarlaıdy QazAqparat.
«Aýrýxana ornalasqan jer ýchaskesinde QR ІІM Astana qalasy ishki ister departamentiniń shuǵyl áreket etý arnaıy jasaǵynyń ǵımaratynyń qurylysy júrgiziledi», - delingen Astana ákimdiginiń «QazAqparat» agenttiginiń resmı saýalyna bergen jaýabynda.
Bunyń aldynda xabarlaǵanymyzdaı, elorda saqshylary jaısyz jaǵdaılarda jumys isteýge májbúr. Jeke quramnyń tek 42%-i ǵana qyzmettik kabınetpen qamtamasyz etilgen. Al polıtsııa bólimsheleriniń ǵımarattary tıisti standarttarǵa saı kelmeıdi. Onyń jartysy nashar kúıde.
Esil aýdandyq ishki ister basqarmasy 2 kottedj jaldaýda. Oǵan jyl saıyn 88 mln. teńge jumsalady. Jalpy ІІD úsh ǵımaratta ornalasqan. Onyń biri 1906 jyly salynǵan bolsa, ekinshisi - 1946 jyly, úshinshisi - 1976 jyly turǵyzylǵan.
