Astanadaǵy JOO «fýtbol jattyqtyrýshysy» mamandyǵyna oqytady
ASTANA. QazAqparat - Qazaqstan fýtbol federatsııasy men Lev Gýmılev atyndaǵy Eýrazııa ulttyq ýnıversıteti Bilim jáne ǵylym mınıstrliginiń qoldaýymen «fýtbol jattyqtyrýshysy» mamandyǵyn daıyndaý boıynsha bilim berý baǵdarlamasyn iske qosty. Bul týraly QR fýtbol federatsııasynan málim etti.
Áleýmettik ǵylym fakýltetiniń Dene shynyqtyrý jáne sport kafedrasy 2018-2019 oqý jylynan bastap «Fýtbol jattyqtyrýshysy» mamandyǵyn ashady. Negizgi maqsaty - kásibı biliktiligi fýtbol jattyqtyrýshylaryn jáne fýtbol salasynyń mamandaryn daıyndaý.
Atalǵan mamandyqqa kez kelgen talapkerge túsýge bolady. Oqý aıaqtalǵannan keıin ÝEFA-nyń «S» kategorııasy men «Dene shynyqtyrý jáne sport, fýtbol jattyqtyrýshysy» mamandyǵyn alady. Bul mamandyq boıynsha 6-12 jas aralyǵynda balalardy Qazaqstan Respýblıkasy men Eýropa aýmaǵyndaǵy kez kelgen fýtbol qurylymdarynda tárbıeleı alady.
Bastama 2018-2022 jyldarǵa arnalǵan fýtboldy damytý strategııasynyń sheberinde júzege asyrylyp otyr. Qazaqstan fýtbol federatsııasynyń basty mindetteriniń biri - «1-11 synyptarǵa arnalǵan fýtbol sabaǵy» jobasyn damytýdy jalǵastyrý jáne Qazaqstanda fýtbol salasynyń mamandarynyń bilimin kóterý.
