Astanadaǵy JOO-da Naýryz meıramyna oraı birneshe aýyl boı kóterdi
ASTANA. 25 naýryz. QazAqparat - Astanadaǵy S.Seıfýllın atyndaǵy Qazaq agrotehnıkalyq ýnıversıtetinde Naýryz meıramy atap ótildi.
Mereke baıqaý retinde uıymdastyryldy. ıAǵnı barlyq 9 fakýltet pen ýnıversıtettiń kolledji jeke-jeke aýyldar kóterip, kóktem merekesin keńinen atap ótti. Meıramdy uıymdastyrý jáne atap ótý deńgeıin aýyldan aýylǵa qonaqtaǵan qazylar alqasy baǵalady.
«Armysyń, áz-Naýryz!» baıqaýy aıasynda tehnıkalyq fakýltet «Áıgerim aýylyn» turǵyzyp, qonaqtardyń nazaryna «Qyz uzatý» jáne «Qyzǵa jasaý berý» dástúrinen kórinis usyndy. Al, «Aqsaqaldar» aýylynda kompıýterlik júıeler jáne kásibı bilim berý fakýlteti el basyna kún týǵan kezde qazynaly qarttardyń róli týraly sahnalyq qoıylym kórsetti.
Sáýlet óneri fakýlteti kótergen «Sheberler aýyly» ulttyq kıimder men qolóner buıymdarynyń kórmesin uıymdastyrsa, ekonomıka fakýlteti besikke salýdan bastap shildehana, tusaýkeser salttarynyń erekshelikterin nasıhattady.
Veterınarııa jáne mal sharýashylyǵy tehnologııasy fakýlteti qurǵan «Abaı» aýyly kelin túsirip, betashar jasady. Energetıkalyq fakýltet balanyń tusaýyn kesip, toı jasasa, gýmanıtarlyq fakýltettiń oqytýshylary men stýdentteri aqyndar aıtysy men sheshendik óner sańlaqtarynyń sheberlikterin pash etti.
Sondaı-aq, «Altybaqan aýylynyń» turǵyndaryna aınalǵan agronomııa fakýltetiniń ujymy altybaqan basyna jınalǵan jastardyń ónerin kórsetip, aqsúıek oınady. Jerge ornalastyrý fakýltetiniń stýdentteri men ustazdarynan quralǵan «Tolaǵaı» aýylynyń halqy quda kútip, máre-sáre bolsa, ýnıversıtet janyndaǵy kolledj «Báısheshek» aýylynyń shańyraǵyn kóterip, «Shildehana», «Qyrqynan shyǵarý» dástúrlerin kórsetip, terme tolǵaýdan jyr shashty.
Baıqaý nátıjesi boıynsha birinshi oryn gýmanıtarlyq fakýltetke berildi. Ekinshi oryndy tehnıkalyq fakýltet pen agronomııa fakýlteti, úshinshi oryndy energetıkalyq jáne ekonomıka fakýltetteri ózara bólisti. Atalǵan fakýltetter aqshalaı syılyqtarǵa ıe boldy. Jeńimpazdardy ýnıversıtet rektory Aqylbek Kúrishbaev marapattady.
