Astanadaǵy jol-kólik apaty: Júk kóligi kópirden qulap, júrgizýshisi aman qaldy
ASTANA. QazAqparat - Áleýmettik jeliler men messendjerlerde Astanada bolǵan jol-kólik apatynyń vıdeosy tarap júr. Onda júk kóliginiń kópirden qulaǵanyn kópirdiń ústinde jeńil avtomobılmen soqtyǵysqanyn anyq baıqaýǵa bolady, dep xabarlaıdy QazAqparat tilshisi.
Astana qalalyq ishki ister departamentiniń málimetine sáıkes, atalǵan jol-kólik apaty 31 mamyrda bolǵan.
«Ol kúni shamamen saǵat 16:00-de «Hyundai» markaly júk kóligi kópirmen kele jatqan. Sol kezde júrgizýshi rólge ıe bola almaı, joldyń qarsy betine shyǵyp ketti. Sóıtip, Chevrolet Niva-men soqtyǵysqan. Jeńil kólik ınertsııamen taǵy bir júk kóligine baryp soǵylǵan. Al Hyundai kópirdiń qorshaýyn buzyp, tómen qaraı aýdarylyp qulady. Abyroı bolǵanda eshkim mert bolǵan joq. Júk kólikte júrgizýshi ǵana bolǵan. Nıvada júrgizýshi jáne jolaýshy otyrdy. Barlyǵyn aýrýxanaǵa jetkizip, jan-jaqty tekserip shyqty. Olar jaraqat aldy. Biraq medıtsınalyq tekseristen keıin úılerine jiberildi. Hyundai júrgizýshisine qatysty ákimshilik xattama toltyryldy», - dedi departmenttiń baspasóz xatshysy Sofııa Qylyshbekova QazAqparat tilshisine bergen suxbatynda.
