Astanadaǵy jol apaty: Zardap shekkenderge ótemaqy qalaı tólenedi
NUR-SULTAN. QazAqparat - Astana LRT basshysy Bekmyrza Igenberdınov elordadaǵy jol apatynan zardap shekkenderdi saqtandyrý tártibin túsindirdi, dep habarlaıdy QazAqparat tilshisi.
«Árıne, saqtandyrý bar, árbir avtobýs parki jolaýshylar men júkti tutas saqtandyrady. Qazir ótemaqy kólemin aıta almaımyn. Eń aldymen, medıtsınalyq saraptama júrgizilýi tıis. Sonyń nátıjesi boıynsha, saqtandyrý kompanııasyna habarlasyp, shyǵyn kólemin habarlaımyz jáne ótemaqy kólemi belgilenedi. Óz tarapymyzdan apattan kóz jumǵandardyń otbasyna barlyq qajetti kómekti kórsetemiz», - dedi «Astana LRT» JShS basqarma tóraǵasy Bekmyrza Igenberdınov Astana ákimdiginde ótken baspasóz máslıhatynda.
Eske sala ketsek, elordadaǵy jantúrshigerlik kólik apatynan zardap shekkender sany 36-ǵa jetti.
26 naýryz kúni Uly Dala men Qabanbaı batyr dańǵyly qıylysynda úsh avtobýstyń jáne jeńil kólikterdiń qaqtyǵysýymen jol-kólik oqıǵasy oryn aldy. Qala mańy baǵdaryndaǵy № 301 avtobýs № 12 baǵdardaǵy jolaýshylar avtobýsymen soqtyǵysty. Osynyń ekpinimen olar № 53 avtobýsqa jáne jedel járdem kóligine baryp soǵyldy.
Astana LRT ókiliniń habarlaýynsha, 301 avtobýs júrgizýshisi Abaı Ospanov tańǵy 6.30-da reıske shyǵarda medıtsınalyq tekserýden ótken jáne densaýlyǵynan esh kinárat baıqalmaǵan.
