Astanadaǵy JKO-da zardap shekken balalardyń biri jansaqtaý bólimshesinde jatyr
ASTANA. QazAqparat - Astanadaǵy JKO-da zardap shekken balalardyń biri jansaqtaý bólimshesinde jatyr, dep habarlady elordalyq №2 balalar aýrýhanasynan.
«Eki bala neırohırýrgııa bólimshesinde, al bir bala jansaqtaý bólimshesinde, taǵy bireýi ambýlatorııalyq em qabyldap júr», - dep habarlady aýrýhananyń qabyldaý bóliminen.
Eske sala keteıik, Asan Qaıǵy kóshesimen kele jatqan «Lexus» avtokóliginiń 36 jastaǵy júrgizýshisi Imanov kóshesiniń qıylysynda «Mersedes» kóligine jol bermesten ótýge umtylyp, qaqtyǵysqan bolatyn. Kólik soqtyǵysynan «Lexus» júrgizýshisi rýldi buryp, kámeletke tolmaǵan jaıaý júrginshilerdi basyp, jol boıynda turǵan «Lada» kóligin de túıip ótken. Budan soń, «Lexus» kóligi soqqynyń qattylyǵynan «ZAZ» markaly kóligine qaraı aýdarylyp, ol bolsa serpinmen taǵy bir «Mıttsýbısı» markaly kólikti soqqan. Jol-kólik oqıǵasy saldarynan jaıaý júrginshi tórt bala zardap shekti. Atap aıtqanda, 2002 jyly, 2005 jáne 2007 jyly týǵan tórt bala ártúrli dene jaraqatymen aýrýhanalarǵa jetkizildi.
Densaýlyq saqtaý basqarmasynyń baspasóz qyzmetinen habarlaǵandaı, zardap shekken balalar №2 balalar aýrýhanasyna jetkizilgen bolatyn.
