Astanadaǵy jer telimderi ótinish bergen barlyq azamattarǵa jetpeıdi - I. Tasmaǵambetov
ASTANA. 19 qańtar. QazAqparat - Astana ákimdigi jeke turǵyn úı qurylysyna arnalǵan jer telimderin ótinish bergen barlyq azamattarǵa bere almaıdy.
Bul týraly búgin qala basshysy Imanǵalı Tasmaǵambetov óziniń derbes blogynda málim etti.
«Búgingi tańda jer qatynastary basqarmasynda jeke turǵyn úı qurylysyna arnalǵan jer telimderin alýǵa ótinish bergen azamattardyń sany 100 myńnan asyp jyǵylatyndyǵyn habardar ete ketýim qajet. Bul Astana qalasynyń Bas josparyna sáıkes, 2030 jylǵa deıin bólinedi dep josparlanǵan jer ýchaskeleriniń sanynan 4 ese kóp. ıAǵnı, halyqtyń barlyq suranysyn qanaǵattandyrý múmkin bolmaıtyndyǵy anyq», - dep jazady I. Tasmaǵambetov.
Qala ákimi sóz arasynda, qazirgi ýaqytta jeke qurylysqa arnalǵan jer telimderin úlestirý toqtatylǵandyǵyn aıtty. Sebebi qajetti ınfraqurylymmen qamtamasyz etilgen daıyn ýchaskeler joq.
