Astanadaǵy JEO-2 birtindep gazǵa kóshedi
ASTANA. QazAqparat - Elordadaǵy aspandy torlaǵan kók tútindi seıiltý turǵysynda ákimdiktiń baspasóz máslıhaty baspasóz týrǵa jalǵasty, dep habarlaıdy elorda.info .
BAQ ókilderimen birge júrgen Energetıka basqarmasynyń basshysy Baqytbek Japaevtyń jol kórsetýimen tilshiler toby qaladaǵy birqatar mekenjaılarǵa at basyn tiredi.
Aldymen TETs-2-ge bas suqqan jýrnalıster qalanyń Ońtústik-shyǵys aýdanyna aıaldap, ondaǵy jekemenshik sektordaǵy úılerdiń murjasynan shyǵyp jatqan tútinniń atmosferalyq aýany qanshalyqty lastap jatqanyn baqylady. Jumys tobynyń sapary «Qazaqstan ǵarysh sapary» ulttyq kompanııasynyń qazandyǵyna sońyna jetti. Mamandardyń sózine súıensek, aldaǵy jyldary JEO-2 gazben jylytý júıesine kóshirilmek. Ázirge daıyndyq jumystary júrip jatyr. «Astana-Energııa» AQ basqarma tóraǵasynyń orynbasary Oleg Ýtkınniń sózine súıensek, JEO-2 gazben jylytý júıesine birtindep aýystyrylatyn bolady.
«Gazben jylytý júıesine kóshken kúnde de JEO-2 bastapqyda jartylaı gazben, jartylaı kómir otynymen jylý beretin bolady. Al qazirgi tańda qurylysy júrgizilip jatqan JEO-3 birden gazben jylytý júıesi boıynsha jumys isteýge qaýqarly», - deıdi Olek Ýtkın.
