Astanadaǵy JEO-1-di jańǵyrtý jumystary 2016 jyly aıaqtalady
ASTANA. QazAqparat - 2015 jyly JEO-1 qoldanystaǵy energııa kózderin jetildirý jumystary jalǵasady, dep habarlady astana.kz.
1961 jyly jeltoqsan aıynyń sońynda Aqmola JEO-1 birinshi týrbına men birinshi qazandyqty paıdalanýǵa engizý arqyly iske qosylǵan bolatyn. Búgingi kúni JEO-1 - qalanyń myńdaǵan kásiporyndary men uıymdaryn energııamen jabdyqtap otyrǵan eń iri energetıkalyq nysan.
Nysannyń jumysyn jetildirý úshin únemi jóndeý jumystary men stantsııa jabdyqtaryn jańartý júrgizilip otyrady.
Astana qalalyq Energetıka basqarmasynyń málimdeýinshe, JEO-1 birinshi energııa kózin qaıta jańartý 2008 jyly bastalǵan bolatyn, 2016 jyly aıaqtalady dep josparlanǵan.
2014 jyly JEO-1 №5 qazandyq agregatyn qurastyrý aıaqtaldy, №7 qazandyq qalpyna keltirilýde, sonymen qatar, №5,6 qazandyq agregattarynyń gaz joldary, vakýýmdy deaerator, №2 murja, mazýt sharýashylyǵy, elektr sharýashylyǵy, №5 temir jol jáne t.b. kómekshi nysandardy qaıta jańartý jumystary jasaldy.
