Astanadaǵy jeńil relsti tramvaılar qurylysy qashan aıaqtalady
ASTANA. QazAqparat - Elorda basshysy Áset Isekeshev jeńil relsti tramvaılardyń qurylysy qashan aıaqtalatynyn aıtty, dep habarlaıdy «QazAqparat» HAA tilshisi.
«Áýejaıdan jańa temir jol vokzalyna deıingi jeńil relsti tramvaılar jobasyn júzege asyrý jumysy belsendi júrgizilip jatyr. Onyń qurylysyn 2019 jyldyń sońynda aıaqtaý josparlanyp otyr. Uzyndyǵy 22,5 shaqyrymdyq estakadty jeli salynady», - dedi qala ákimi.
Shahar basshysynyń aıtýynsha, jeńil relsti tramvaılar qalanyń ınfraqurylymyna túsken júkti aıtarlyqtaı jeńildetedi. Ákim óz sózinde arnaıy baǵdarlamalar boıynsha aqyldy baǵdarshamdar, ońǵa burylýǵa múmkindik beretin joldar, avtobýs joldary salynatynyn atap ótti. Onyń aıtýynsha, sońǵy 4 jylda 740 jańa baǵdarsham satyp alynyp, jańa avtobýstardyń úlesi 70 paıyzǵa jetken.
«Biz kólikterdiń ósimine qaramastan, jaǵdaı ornyqty ekenin kórip otyrmyz. Álbette, qoǵalys kóbeıgen kezde azdaǵan másele bar. Biraq, ózderińiz salystyryp kórseńiz, 10 jyl buryn ǵana qalamyzda 100 myń kólik bolsa, qazir olardyń sany - 400 myń. Sondyqtan, qoǵamdyq kólikterge erekshe nazar aýdarylyp keledi», - dedi ákim.
