Astanadaǵy jekpe-jek saraıynda elimizdiń eń úlken týy jaıyldy

ASTANA. QazAqparat – Elordada jyl saıynǵy dástúr boıynsha stýdentterdi qabyldaý rásimi ótti, dep habarlaıdy QazAqparat tilshisi.

Atalǵan shara barysynda Astana qalasy Jaqsylyq Úshkempirov atyndaǵy jekpe-jek saraıynda elimizdiń eń úlken memlekettik týy tanystyryldy.

Týdy ortaǵa alyp shyqqan soń jınalǵan qaýym ánurandy oryndady. Jibek matadan jasalǵan memlekettik týdyń kólemi - 800 sharshy metr. Al salmaǵy – 60 kelige jýyq.

Saltanatty rásimde M.Nárikbaev atyndaǵy KAZGUU-diń 2 200 birinshi kýrs stýdenti ant berdi. Jalpy atalǵan rásimge 5 myńnan astam adam qatysty.

Sondaı-aq, sharada atalǵan ýnıversıtettiń joǵary mektebi zııatkerlik, áleýmettik jáne shyǵarmashylyq boıynsha úzdik komanda ataǵy úshin synǵa tústi.

Bıyl qazylar alqasy quramynda jastar arasynda tanymal Dınara Sátjan, Serik Sápıev, Aıtym Jaqypov, Dıdar Islam, Ilıa Ilın, Esen Eleýken, Aıkerim Esenáli, Azat Ábiken jáne basqa tulǵalar tórelik etti.