Astanadaǵy jazǵy sport ortalyǵynda balalarǵa qolaıly jaǵdaılar jasalady
ASTANA. QazAqparat - «Alaý» muzaıdyny saraıyndaǵy jazǵy sport ortalyǵynda balalarǵa qolaıly jaǵdaılar jasalady. Bul týraly búgin Astanada ótken baspasóz máslıhatynda málim boldy.
«Muzaıdyny saraıy atanǵanymen, bizde jyl boıy buqaralyq sporttyń ózge túrlerine mán berip otyrmyz, ıaǵnı jappaı syrǵanaýmen qatar, jazǵy sport ortalyǵyn ashyp otyrmyz»,-dedi «Alaý» muzaıdyny saraıy Marketıng jáne jarnama bóliminiń basshysy Aıjanat Nurseıit.
Belgili bolǵadaı, jazǵy ortalyqtyń jumysy 1 mamyrdan bastaldy. Osy rette ústel tennısi, shaǵyn golf, voleıbol, badmınton jáne basqa da sport túrleri boıynsha alańdar iske qosylyp otyr.
Oqýshylar úshin arnaıy jeńildik júıesi qarastyrylǵan. 5 jasqa deıin balalarǵa, І jáne ІІ toptaǵy múmkindigi shekteýli jandarǵa, kóp balaly otbasydan shyqqan oqýshylarǵa, balalar úıleriniń tárbıelenýshilerine kirý tegin. Al 5-ten 12 jasqa deıingi balalar, zeınetkerler, ІІІ toptaǵy múmkindigi shekteýli adamdarǵa 50 paıyzdyq jeńildik beriledi.
