Astanadaǵy jaýyn-shashyn kommýnaldyq qyzmetterdi ábigerge salýda
ASTANA. QazAqparat - Elordanyń kommýnaldyq qyzmetteri jaýyn-shashynǵa baılanysty kúsheıtilgen jumys rejimine kóshirildi, dep habarlaıdy QazAqparat Astana ákimdiginiń saıtyna silteme jasap.
"Qala aýmaǵynda 3 120 tekshe metr erigen qar sýy sorǵymen alyndy jáne 7 070 tekshe metr qar shyǵaryldy. Jańbyr sýy aǵatyn júıelerdiń 346 tory tazalanyp, jýyldy. Halyq kóp jınalatyn 143 nysanda qardan tazartý jumystary júrgizildi. Sondaı-aq sý tasqynyna qarsy sharalar aıasynda qala aýdandaryndaǵy jeke sektorlardan qar shyǵarý jumystary jalǵasýda", - delingen elorda ákimdiginiń habarlamasynda.
Aıta keteıik, Astanada sý tasqynyna daıyndyq jumystarynyń bastalǵanyna biraz ýaqyt boldy. Elorda ákimi sý tasqynyna qarsy sharalardyń keshendi josparyn bekitken edi. Jospar 202 tarmaqtan turady jáne olarǵa jaýapty retinde ákimdiktiń 22 qurylymdyq bólimshesi, 8 mınıstrlik organy men bólimsheleri jáne 2 kommýnaldyq kásiporyn belgilengen.
"Astana monıtorıng jáne jedel áreket etý ortalyǵynyń qaladaǵy qar tazalaýdyń sapasyn baqylaýynyń arqasynda kommýnaldyq qyzmetter qala aýmaǵynan jáne turǵyn úı alaptarynan qardy ýaqytyly shyǵarýda. Ruqsat etilmegen jerde qar úıindisin kórseńiz, Qalalyq monıtorıng jáne jedel áreket etý ortalyǵynyń 109 nómirine habarlasyńyz nemese Facebook, Instagram jelilerinde #astana109 heshtegimen jazba qaldyryńyz", - delinen qala ákimdiginiń saıtynda.
Eske salaıyq, «Qazgıdromet» RMK 5-7 naýryz kúnderi aralyǵynda Qazaqstanyń birqatar óńirinde, sonyń ishinde Aqmola oblysynyń aýmaǵynda kún raıynyń buzylýyna oraı eskertý jarııalaǵan bolatyn.
Búgin Astana qalasynda aýa temperatýrasy kúndiz +3..+5 gradýsqa deıin jylyndy. Kúshti jel soǵyp, jańbyr jaýdy. Barlyq mektepterde 1-11 synyp aralyǵynda sabaqtar toqtatyldy. Sondaı-aq kóktaıǵaq pen qatty jelge baılanysty Aqmola, Soltústik Qazaqstan jáne Pavlodar oblystary aýmaǵynda kóliktiń barlyq túrleri úshin búkil baǵytta joldar jabyldy.
«Qazgıdromettiń» boljaýynsha, erteń, 7 naýryz kúni elordada kúndiz -8..-10, túnde -11..-13 gradýsqa deıin sýytady, qar jaýady.
Foto Astana ákimdiginiń saıtynan alyndy
